मंचर प्रतिनिधी

शिरुर लोकसभा मतदारसंघाचे संसदरत्न खासदार डॉ. अमोल कोल्हे हे आंबेगाव-शिरुर तालुक्यातील नागरिकांच्या समस्या व अडीअडचणी सोडविण्यासाठी जनता दरबार बुधवार दि.१० जुलै २०२४ रोजी स.१०.०० वा. शरद पवार सभागृह, कृषी उत्पन्न बाजार समिती, मंचर येथे उपस्थित राहणार आहेत.

आंबेगाव-शिरुर विधानसभा मतदारसंघातील नागरिकांच्या समस्या व अडीअडचणी सोडविण्यासाठी बुधवार दि.१० जुलै २०२४ रोजी स.१०.०० वा. ते दु.०२.०० वा. यावेळेत शरद पवार सभागृह, कृषी उत्पन्न बाजार समिती, मंचर येथे जनता दरबार आयोजित करण्यात येत आहे. या जनता दरबारात विविध शासकीय विभागांचे विभागीय अधिकारी उपस्थित राहणार आहेत. तरी आंबेगाव-शिरुर विधानसभा मतदारसंघातील नागरिकांनी या जनता दरबारात आपले प्रश्न लेखी स्वरुपात सादर करावेत. सदर जनता दरबार कार्यक्रमास सर्वांनी मोठ्या संख्येने उपस्थित राहावे, असे आवाहन महाविकास आघाडीच्या वतीने राष्ट्रवादी कांग्रेस पक्षाचे जिल्हा कार्याध्यक्ष देवदत्त निकम यांनी केले आहे.

निरगुडसर प्रतिनिधी- राजु देवडे

पोंदेवाडी (ता. आंबेगाव) येथील श्री गडदादेवी यात्रा उत्साहात संपन्न झाली. यावेळी विविध कार्यक्रमाचे आयोजन करण्यात आले होते. या यात्रेत एकुण ३१५ बैलगाडा मालकांनी सहभाग नोंदवला. यात्रेच्या पहिल्या दिवशी फळीफोड बैलगाडा नयन वळसे ( निरगुडसर) दुसरा दिवस बाळासाहेब भागाजी टेमगिरे यांचा गाडा फळीफोड ठरला तर घाटाचा राजा पहिला दिवस ज्ञानेश्वर लक्ष्मण पोंदे तर दुसरा दिवस आशिष संतोष बिरदवडे यांनी पटकावला

द्वितीय क्रमांकात प्रथम पंकज म्हातारभाऊ वाळुंज पोंदेवाडी,व भीमराव लंघे ,तृतीय क्रमांकात प्रथम
चक्रधर मित्र मंडळ पारगाव व हर्षद शरद पोखरकर तर फायनलमध्ये प्रथम क्रमांक टू व्हीलरचे मानकरी कृष्णाजी विजय मेरगळ जांबुत व विशाल कोंडीबा खटाके हे गाडे आले.फायनल द्वितीय क्रमांक नयन दिपक वळसे निरगुडसर व संदेश नरहरी गांजवे वळती,फायनल तृतीय क्रमांक साई विवेक पडवळ , शिवाजी महिपती टाकवे जुगलबंदी व सावता महाराज बैलगाडा संघटना शिंगवे यांनी पटकावले.
प्रथम क्रमांक ५४,द्वितीय क्रमांकात१०४ तर,तृतीय क्रमांकात ७९ बैलगाडे आले.

यात्रेची व्यवस्था खरेदी विक्री संघाचे माजी अध्यक्ष अनिल वाळुंज, उपसरपंच महेंद्र पोखरकर, संदीप पोखरकर, जयसिंग पोंदे, सुशांत रोडे ,अमोल वाळुंज ,आनंदा पोंदे , नानाभाऊ पोखरकर , संतोष पोखरकर, नितीन पोंदे ,विशाल जाधव. संदेश डुकरे, निलेश दौंड, प्रमोद पोंदे , अमित दौंड यांसह ग्रामस्थांनी पाहिली.

मंचर प्रतिनीधी –

पेठ (ता.आंबेगाव) येथे आंबेगाव तालुका नाभिक महामंडळाच्या वतीने अशोक क्षीरसागर पेठकर तमाशा क्षेत्रातील सर्वोच्च विठाबाई भाऊ मांग नारायणगावकर गौरव पुरस्काराने जाहीर झाल्यामुळे त्यांचा सत्कार करण्यात आला.

यावेळी सचिन देवडे (अध्यक्ष नाभिक महामंडळ आंबेगाव तालुका) उपाध्यक्ष संतोष बिडवे, सचिव सुनील को-हाळे ,बाबुराव बोराडे,दत्तात्रय क्षिरसागर, गणपतराव क्षिरसागर( मा. सरपंच मंचर)श्री बजरंग देवडे ,रत्नाकर कोऱ्हाळे (अध्यक्ष वधुवर सुचक)कुलस्वामी पतसंस्थेचे सल्लागार श्री.चिंतामण व्हावाळे व नाभिक सामाज्यातील अनेक मान्यवर उपस्थित होते.