Connect with us

गावागावातुन

भीमाशंकर कारखान्यास “देशातील सर्वोत्कृष्ट सहकारी साखर कारखान्याचा वसंतदादा पाटील पुरस्कार” जाहीर

Published

on

निरगुडसर प्रतिनिधी-राजु देवडे

दत्तात्रयनगर, पारगाव तर्फे अवसरी बु, येथील भीमाशंकर सहकारी साखर कारखान्यास नॅशनल फेडरेशन ऑफ को-ऑप शुगर फॅक्टरीज लि., नवी दिल्ली यांचा सन २०२२-२३ करीता “देशातील सर्वोत्कृष्ट सहकारी साखर कारखान्याचा वसंतदादा पाटील पुरस्कार” जाहीर झाला आहे. देशातील २०२२-२३ च्या गाळप हंगामामध्ये साखर उद्योगात उल्लेखनीय कामगिरी करणा-या कारखान्यांना नॅशनल फेडरेशन ऑफ को-ऑप शुगर फॅक्टरीज लि., नवी दिल्ली यांच्यामार्फत देण्यात येणा-या पुरस्काराची मंगळवारी घोषणा करण्यात आली अशी माहिती कारखान्याचे चेअरमन बाळासाहेब बेंडे यांनी दिली.


“देशातील सर्वोत्कृष्ट सहकारी साखर कारखान्याचा वसंतदादा पाटील पुरस्कार” प्राप्त झाल्याबाबत माहिती देताना श्री. बाळासाहेब बेंडे म्हणाले की, पुरस्कारांचे मुल्यांकन करण्यासाठी ११ सदस्यांच्या तज्ज्ञांची समिती गठीत करण्यात आली होती. त्यात केंद्रीय मुख्य संचालक (साखर) यांच्याशिवाय मुख्य संचालक, राष्ट्रीय सहकारी विकास मंडळ नवी दिल्ली, उप संचालक (साखर) नवी दिल्ली, संचालक राष्ट्रीय साखर संस्था, कानपुर, महासंचालक वसंतदादा शुगर इन्स्टिट्यूट, महाराष्ट्र, उत्तर प्रदेश, हरियाणा, कर्नाटक, पंजाब, गुजरात, तामिळनाडू या राज्यांच्या साखर संघाचे व्यवस्थापकीय संचालक तसेच राष्ट्रीय सहकारी साखर कारखाना महासंघाचे व्यवस्थापकीय संचालक आणि इतर तज्ज्ञांचा समावेश आहे. पुरस्कार वितरण सोहळा नवी दिल्ली येथे ऑगस्टमध्ये होणार आहे.


महाराष्ट्र राज्याचे सहकारमंत्री व कारखान्याचे संस्थापक मा.ना.श्री. दिलीपराव वळसे पाटील यांच्या मार्गदर्शनाखाली आर्थिक वर्षात केलेली ऊस उत्पादकता, तांत्रिक गुणवत्ता, वित्तीय व्यवस्थापन, अधिकतम ऊस गाळप, साखर उतारा, ऊस वाढीच्या योजना, कर्ज परतफेड, व्याज, खर्चात केलेली बचत, कमीत कमी उत्पादन खर्च, केलेली गुंतवणूक, वेळेत अदा केलेला ऊस दर, ऊस उत्पादकांना दिलेली ठेवीची पासबुके, संचित नफा, कारखान्याचे नक्त मुल्य, शिल्लक कर्ज उभारणी मर्यादा, कारखान्याने उभारणी केलेला व उपलब्ध निधी, विनियोगासाठी केलेले नियोजन, शिक्षण क्षेत्रातील योगदान व सामाजिक बांधिलकीच्या माध्यमातून केलेली कामे या सर्व बाबींचा विचार करून कारखान्यास हा पुरस्कार प्राप्त झाला आहे.


कारखान्याचे संस्थापक व महाराष्ट्र राज्याचे सहकारमंत्री मा.ना.श्री. दिलीपराव वळसे पाटील यांचे दुरदृष्टी नेतृत्व व मार्गदर्शन, संचालक मंडळाचे धोरण, अधिकारी व कर्मचाऱ्यांचे सुयोग्य व्यवस्थापन, ऊस उत्पादक व सभासद वर्गाची साथ यामुळेच पुरस्कार प्राप्त करणे शक्य झाले आहे. यापूर्वी कारखान्यास देश पातळीवरील १३ व राज्य पातळीवरील १४ असे एकूण २७ पुरस्कार प्राप्त झालेले आहे. “देशातील सर्वोत्कृष्ट सहकारी साखर कारखान्याचा वसंतदादा पाटील पुरस्कार” ६ वेळा मिळविणारा देशातील पहिला साखर कारखाना आहे. अशी माहिती व्हाईस चेअरमन श्री. प्रदीप वळसे पाटील यांनी दिली.
कारखान्याचे संस्थापक व महाराष्ट्र राज्याचे सहकारमंत्री मा.ना.श्री. दिलीपराव वळसे पाटील यांनी पुरस्कार जाहीर झाल्याबद्दल कारखान्याचे मा. संचालक मंडळ, सभासद, ऊस उत्पादक शेतकरी, अधिकारी व कर्मचारी यांचे अभिनंदन केले आहे.

Continue Reading
Click to comment

Leave a Reply

Your email address will not be published. Required fields are marked *

Public

आळंदी येथे माऊलींच्या पायी वारी सोहळ्यातील अजामेळा दिंडी क्रमांक २६च्या वतीने अखंड हरिनाम सप्ताह.

Published

on

आळंदी –
तीर्थक्षेत्र आळंदी ( ता . खेड ) येथील पुणे जिल्हा मातंग समाज धर्मशाळेत संत ज्ञानेश्वर महाराज संजीवनी सोहळ्यानिमित्त बुधवार दिनांक २ डिसेंबर ते रविवार दिनांक ६ डिसेंबर पर्यंत अखंड हरिनाम सप्ताह व ग्रंथराज ज्ञानेश्वरी पारायण सोहळा संपन्न होणार असल्याचे अजामेळा दिंडी क्रमांक २६ चे सरचिटणीस व या सप्ताहाचे संयोजक ह भ प पत्रकार मधुकर महाराज गायकवाड यांनी ही माहिती दिली.


या सप्ताहात पहाटे पाच ते सात वाजता काकड आरती भजन सकाळी सात ते नऊ वाजता श्री ज्ञानेश्वरी पारायण सकाळी दहा ते अकरा वाजता गाथा भजन सायंकाळी पाच ते सहा प्रवचन सायंकाळी सहा ते सात वाजता हरिपाठ व रात्री सात ते नऊ वाजता श्रीहरी कीर्तन व त्यानंतर हरिजागर असे दैनंदिन कार्यक्रम संपन्न होणार आहेत या सप्ताहात ह .भ.प.गणेश महाराज हिंगे ( अवसरी बुद्रुक ) ह भ प संभाजी साहेब लोंढे पुणे ह भ प प्राचार्य डॉ . पांडुरंग निवृत्ती महाराज गायकवाड (मंचर ) ,ह भ प श्री पंढरीनाथ तांबे सर ( अवसरी खुर्द ) ह भ प बाळासाहेब लोंढे सर (राजगुरुनगर ) ह .भ . प . नानासाहेब लोंढे सर राजगुरुनगर ह भ प डॉ . हेमलता नंदकुमार सोळवंडे काळेवाडी ( पुणे )ह भ प रवींद्र महाराज कांबळे पुणे यांची प्रवचन रूपाने सेवा होणार आहे तर या सप्ताहात ह . भ . प . संतोष महाराज गावडे आदर्श गाव गावडेवाडी ह भ प दत्तात्रय महाराज रूकारी कोल्हारवाडी ह . भ . प . भीमाताई ज्ञानेश्वर लोंढे संगीत अलंकार (वारू )ता .मावळ
ह भ प तान्हाजी महाराज तांबे शिरदाळे (ता .आंबेगाव ) यांची वारकरी सांप्रदायिक कीर्तन रूपाने ज्ञानदान सेवा होणार आहे.

या सप्ताहाची सांगता या सप्ताहाचे संयोजक ह भ प.मधुकर निवृत्ती महाराज गायकवाड (आदर्श गाव गावडेवाडी )यांच्या काल्याच्या कीर्तनाने दहीहंडी फोडून संपन्न होणार आहे .पंचक्रोशीतील भाविकांनी भाविकांनी या श्रवण सुखाचा लाभ घ्यावा असे आवाहन
अजामेळा दिंडी क्रमांक २६ चे अधिकारी पदाधिकारी तसेच जिल्हा मातंग समाज धर्मशाळा यांच्या वतीने करण्यात आले आहे.

Continue Reading

गावागावातुन

पोंदेवाडी ता.आंबेगाव येथे ६५ गरजू महिलांना मोफत पीठ गिरण्यांचे वाटप पुणे जिल्हा परिषदेचे उपाध्यक्ष विवेक वळसे पाटील व पंचायत समिती सदस्या अंकिता वाळुंज यांची उपस्थिती.

Published

on

. मंचर –

पोंदेवाडी ता.आंबेगाव येथे ६५ गरजू महिलांना मोफत पीठ गिरण्यांचे वाटप पुणे जिल्हा परिषदेचे उपाध्यक्ष विवेक वळसे पाटील व पंचायत समिती सदस्या अंकिता वाळुंज यांच्या हस्ते करण्यात आले अनिलभाऊ वाळुंज प्रतिष्ठाणने यांच्या माध्यमातून हा सामाजिक उपक्रम राबविण्यात आला होता.

पोंदेवाडी (ता. आंबेगाव) येथे राज्याचे माजी सहकार मंत्री दिलीप वळसे पाटील यांच्या वाढदिवसानिमित्त अनिलभाऊ वाळुंज प्रतिष्ठान पोंदेवाडी यांच्या वतीने जारकरवाडी पंचायत समिती गणातील ६५ गरजू कुटुंबांतील महिलांना मोफत पीठ गिरण्यांचे वाटप करण्यात आले. पुणे जिल्हा परिषदेचे उपाध्यक्ष विवेक वळसे पाटील यांच्या हस्ते या गिरण्यांचे वितरण करण्यात आले. यावेळी त्यांनी उपस्थित ग्रामस्थ व महिला भगिनींशी संवाद साधला.

सर्वसामान्य कुटुंबातील महिलांना आर्थिकदृष्ट्या सक्षम करण्यासाठी पीठ गिरणी, शिलाई मशीन तसेच विविध वैयक्तिक लाभाच्या योजनांचा लाभ मिळवून देण्याचे काम अनिलभाऊ वाळुंज प्रतिष्ठानच्या माध्यमातून गेल्या सहा वर्षांपासून सातत्याने केले जात आहे. या उपक्रमामुळे गरजू महिलांना स्वयंरोजगाराची संधी उपलब्ध होण्यास मदत होत आहे.

यावेळी बोलताना विवेक वळसे पाटील यांनी पुणे जिल्हा परिषदेच्या कृषी व पशुसंवर्धन विभाग, समाजकल्याण विभाग तसेच महिला व बालकल्याण विभागाच्या माध्यमातून पात्र शेतकरी, महिला आणि विद्यार्थिनींना डीबीटीद्वारे विविध वैयक्तिक लाभाच्या योजना दिल्या जात असल्याचे सांगितले. अशा योजनांचा पात्र लाभार्थ्यांनी लाभ घ्यावा, असे आवाहनही त्यांनी केले.

या कार्यक्रमास पंचायत समिती सदस्या अंकिता वाळुंज,आंबेगाव तालुका खरेदी-विक्री संघाचे माजी अध्यक्ष अनिल वाळुंज, पारगाव गणप्रमुख मनोज रोडे पाटील, जारकरवाडी गणप्रमुख बाळशीराम वाळुंज,सतिष रोडे पाटील माजी उपसरपंच संदीप पोखरकर,महेंद्र पोखरकर, आनंदा पोंदे,प्रतिष्ठानचे पदाधिकारी व आयोजक, जारकरवाडी पंचायत समिती गणातील सरपंच, पोंदेवाडी गावचे आजी-माजी सरपंच, महिला भगिनी आणि युवक कार्यकर्ते मोठ्या संख्येने उपस्थित होते.

अनिलभाऊ वाळुंज प्रतिष्ठानच्या या सामाजिक उपक्रमाचे उपस्थितांनी कौतुक केले.

Continue Reading

गावागावातुन

काठापूर बुद्रुक येथील पुरातन महादेव मंदिरात दीपावली निमित्त दीपोत्सव. शेकडो दिव्यांनी मंदिर परिसर उजळला.

Published

on

. मंचर –

काठापूर बुद्रुक ता.आंबेगाव येथील प्रथम महादेव मंदिरात दीपावली निमित्त दीपोत्सव साजरा करण्यात आला यावेळी शेकडे दिव्यांनी मंदिराचा परिसर उजळून निघाला होता. काही महिन्यांपूर्वीच या मंदिराचा जन्मदर झाल्याने सदर परिसरात भाविकांची गर्दी वाढली असून दिवाळीनिमित्त या ठिकाणी दर्शनासाठी मोठ्या प्रमाणावर भाविक येत होते.


आंबेगाव तालुक्यातील काठापुर बुद्रुक येथे पुरातन तीनशे वर्ष जुने महादेव मंदिर आहे या मंदिराचा जन्मदर नुकताच काही दिवसांपूर्वी संपन्न झाला त्यानंतर नदीच्या अगदी मधोमध असणाऱ्या या जुन्या पुरात्री मंदिरात भाविकांची वर्ग वाढली आहे दीपावलीच्या निमित्तही या ठिकाणी ग्रामस्थांच्या वतीने दीपोत्सव साजरा करण्यात आला यावेळी मंदिर व परिसर दिव्यांनी वजन निघाला होता या ठिकाणी शेकडे लावून मंदिराच्या परिसर त्याठिकाणी झाला होता.

यावेळी काठापूर खुर्दच्या सरपंच सिमा थिटे, काठापूर बुद्रुकचे माजी उपसरपंच विशाल करंडे, सोसायटी संचालक संतोष करंडे ,पोलीस पाटील अमोल करंडे, चंद्रकांत गव्हाणे,दत्ता करंडे, शंकर करंडे, प्रशांत करंडे, जयसिंग थोरात,धोंडीभाऊ तुळे, राजेंद्र करंडे,मयुर करंडे, संदेश करंडे यांसह ग्रामस्थ उपस्थित होते.

Continue Reading
Advertisement

Trending