पारगाव शिंगवे-काठापुर बुद्रुक (ता.आंबेगाव) येथे पारगाव केंद्राच्या यशवंतराव चव्हाण कला, क्रीडा व सांस्कृतिक महोत्सवानिमित्त आयोजित केंद्रस्तरीय विविध क्रीडा स्पर्धा उत्साहात पार पडल्या. या स्पर्धांत दहा जिल्हा परिषद प्राथमिक शाळांतील ३०० विद्यार्थ्यांनी सहभाग घेतला होता, अशी माहिती केंद्रप्रमुख कांताराम भोंडवे यांनी दिली.

स्पर्धेची सुरुवात सरस्वती पूजनाने झाली. यावेळी भिमाशंकर साखर कारखान्याचे संचालक बाळासाहेब घुले,सरपंच अशोक करंडे,माजी उपसरपंच विशाल करंडे,पप्पु खुडे,रोहिदास तुळे,अशोक जोरी,विविध कार्यकारी विकास सोसायटीचे चेअरमन,कुंडलिक जोरी,शाळा व्यवस्थापन अध्यक्ष राहुल भुरके, उपाध्यक्ष काळुराम टींगरे,पंढरीनाथ करंडे,कैलास टिंगरे,सोपान करंडे,पंढरीनाथ जोरी,मुख्याध्यापक नंदकुमार चासकर,विविध शाळांतील शिक्षक ,संतोष लबडे, राजू जाधव,मच्छिंद्र काळे,दत्ता डोळस पालक, विद्यार्थी आदी मान्यवर उपस्थित होते.

स्पर्धेचे आयोजन लहान गटात इ. १ ली व २ री, इ. ३ री व ४ थी आणि मोठ्या गटात इ. ५ वी ते इ. ८ वी स्वरूपात करण्यात आले होते. वैयक्तिक क्रीडा प्रकारात धावणे, उंच उडी, लांब उडी, वक्तृत्व, लिंबू चमचा, बेडूक उड्या, वेशभूषा, गोळाफेक, थाळीफेक, तसेच सांघिक क्रीडा प्रकारात बडबडगीत, कविता गायन, भजन, प्रश्नमंजुषा, कबड्डी, खो-खो, लोकनृत्य, लेझीम, लंगडी आदी स्पर्धा
पार पडल्या.

या स्पर्धेत सर्व विद्यार्थ्यांनी आपल्या कला व क्रीडा कौशल्याचे प्रदर्शन केले. सर्व स्पर्धा उत्साहात व खेळीमेळीच्या वातावरणात पार पडल्या. स्पर्धा पाहण्यासाठी परिसरातील क्रीडाप्रेमी गावकरी मोठ्या संख्येने उपस्थित होते. विजयी स्पर्धकांना मान्यवरांच्या हस्ते, प्रमाणपत्र देऊन गौरव करण्यात आला. स्पर्धा यशस्वितेसाठी शिक्षक सुरेश भागवत , उत्तम वाव्हळ , दिनेश तुळे , सुरेश माने, विजय थोरात,रामरास उंडे ,निलिमा वळसे यांनी परिश्रम घेतले.मुख्याध्यापक नंदकुमार चासकर यांनी प्रास्ताविक केले.यावेळी सरपंच अशोक करंडे,विशाल ,राहुल भुरके यांनी शुभेच्छा दिल्या तर दिनेश तुळे यांनी आभार मानले.

लोणी धामणी प्रतिनिधी – राजु देवडे
निरगुडसर (ता.आंबेगाव ) येथील पंडीत जवाहरलाल नेहरू माध्यमिक व दत्तात्रय गोविंदराव वळसे पाटील उच्च माध्यमिक विद्यालयातील प्रा.अरुण भगवंत गोरडे यांना
पुणे जिल्हा माध्यमिक व उच्च माध्यमिक मुख्याध्यापक संघ पुणे यांच्या वतीने ” जिल्हास्तरीय आदर्श गुणवंत पुरस्कार
” लोकमतचे संपादक संजय आवटे,आमदार महेश लांडगे , माजी शिक्षक आमदार भगवान साळुंके,शिक्षणाधिकारी डॉ . भाऊसाहेब कारेकर यांच्या उपस्थित अंकुराराव लांडगे सभागृह भोसरी येथे रविवार (दि :०६/१०/२०२४ ) रोजी प्रदान करण्यात आला.

यावेळी जिल्हा मुख्याध्यापक संघाचे अध्यक्ष,सचिव व त्यांचे सर्व पदाधिकारी व माजी प्राचार्य बी.डी.चव्हाण , निरगुडेवर शिक्षण संस्थेचे सचिव प्रकाश तापकीर,संचालक मुख्याध्यापक सुनिल वळसे,प्राचार्य कांताराम टाव्हरे, मुख्याध्यापक विनोद बोंबले,पर्यवेक्षक संतोष वळसे,संतोष खालकर, उद्योजिका ज्योती गोरडे,आदित्य कामठे,प्रगती कामठे-गोरडे,युवा उद्योजक प्रतिक गोरडे व विद्यालयाचे सर्व शिक्षक व शिक्षकेत्तर कर्मचारी उपस्थित होते.
तसेच जिल्ह्यातील अध्यापक मोठ्या संख्येने उपस्थित होते.

पुरस्कार मिळल्या बद्दल संस्थेचे अध्यक्ष ॲड.प्रदिप वळसे पाटील,उपाध्याक्ष रामदास वळसे पाटील व सर्व संचालक व ग्रामस्थांनी प्रा.गोरडे यांचे अभिनंदन केले .

निरगुडसर प्रतिनिधी- राजु देवडे

काठापूर बुद्रुक (ता.आंबेगाव) येथील अंगणवाडी साठी भीमाशंकर सहकारी साखर कारखान्याच्या माध्यमातून सीएसार फंडातून पाच लाख रुपये निधी देण्यात आला असून. या कामाचा भूमिपूजन समारंभ कारखान्याचे चेअरमन बाळासाहेब बेंडे,व्हाईस चेअरमन प्रदीप वळसे पाटील यांच्या उपस्थितीमध्ये करण्यात आला.

काठापूर बुद्रुक येथील गावठाण अंगणवाडीस भिमाशंकर सहकारी साखर कारखान्याच्या वतीने 5 लाख रुपये निधी मंजूर झाला असून या निधीच्या माध्यमातून सुरू करण्यात आलेल्या शौचालयाच्या कामाचे भूमिपूजन भीमाशंकर सहकारी साखर कारखान्याचे चेअरमन बाळासाहेब बेंडे,व्हा.चेअरमन प्रदिप वळसे पाटील, संचालक बाळासाहेब घुले, रामचंद्र ढोबळे,बाबासाहेब खालकर, बाजीराव बारवे, दादाभाऊ पोखरकर,आनंदराव शिंदे ,माऊली आस्वारे,नितीन वाव्हळ,पुष्पलता जाधव, मच्छिंद्र गावडे ,पोपटराव थीटे,सरपंच अशोक करंडे,माजी उपसरपंच विशाल करंडे,पप्पू खुडे,रोहिदास तुळे, शाळा व्यवस्थापनाचे अध्यक्ष राहुल भुरके ,उपाध्यक्ष काळुराम टिंगरे, यांच्या उपस्थितीमध्ये संपन्न झाला.
काठापूर बुद्रुक येथे अंगणवाडी साठी भीमाशंकर कारखान्याच्या माध्यमातून सी एस आर फंडातून पाच लाख रुपये निधी देण्यात आला. यावेळी शाळा व्यवस्थापन समिती व ग्रामस्थांच्या वतीने कारखान्याच्या पदाधिकाऱ्यांचा सत्कार करण्यात आला. कार्यक्रमाचे प्रास्ताविक विशाल करंडे यांनी केले, सरपंच अशोक करंडे,राहुल भुरके,प्रदिप वळसे पाटील, चेअरमन बाळासाहेब बेंडे यांनी आपले मनोगत व्यक्त केले. मंगेश करंडे यांनी आभार मानले.