मंचर-

आंबेगाव तालुक्याच्या पूर्व भागातील लाखनगाव ,काठापूर बुद्रुक, पोंदेवाडी परिसरात वादळी वाऱ्यासह झालेल्या पावसामुळे सावकार कोंडीबा दौंड या शेतकऱ्याची दोन एकर क्षेत्रावरील केळी भुईसपाट झाली असुन दोन लाख रुपये भांडवली खर्च व एक महिन्यानंतर सुरू होणारे उत्पन्न हे वाया गेल्याने शेतकरी आर्थिक संकटात सापडला आहे.या ठिकाणी नुकसान भरपाई द्यावी अशी मागणी खरेदी विक्री संघाचे माजी अध्यक्ष अनिल वाळुंज यांनी केली आहे.

गेल्या वर्षी सप्टेंबर महिन्यात शेतकरी सावकार कोंडीबा दौंड यांनी दोन एकर क्षेत्रावर केळीची लागवड केली होती.यासाठी मल्चींग पेपर व ठीबक सिंचन चा वापर केला होता.दोन एकर क्षेत्रावरील केळी ची काढणी एक महीन्याने सुरू होनार होती. परंतु अवकाळी आलेल्या वादळी वारा व पावसाने संपूर्ण केळीची बाग भुईसपाट झाली आहे.त्याचबरोबर इतर तरकारी पिकांचेही मोठे नुकसान झाले आहे.

सध्या तरकारी पिकांना बाजार भाव मिळत नसल्याने अनेक शेतकरी केळी पिकाकडे वळला आहे केळी पिकाला एकरी एक लाख रुपये खर्च येतो मोठ्या प्रमाणात भांडवली खर्च करून शेतकरी केळी पिकाची लागवड करत असतात परंतु अशा आसमानी संकटामध्ये केळी भुईसपाट झाल्याने करायचे काय हा प्रश्न शेतकऱ्यापुडे उभा आहे.

अनेक तरकारी पिके या वादळ व पावसाने भुईसपाट झाली आहे.प्रशासनाने पंचनामे सुरू केले असले तरी.पंचनामे झाल्यानंतर नुकसान भरपाई साठी होणारी दिरंगाई व अल्प प्रमाणात मिळणारे नुकसान भरपाई यामुळे शेतकऱ्यांचा शासनावर विश्वास नाही. त्यामुळे शासनाने या परिसरातील शेतकऱ्यांना त्वरित व चांगली योग्य नुकसान भरपाई द्यावी अशी मागणी शेतकरी करत आहेत.

मंचर-

लाखनगाव ता. आंबेगाव या ठिकाणी वादळी वाऱ्यासह झालेल्या पावसाने गव्हाळीमळा येथील शेतकरी जयसिंग ज्ञानेश्वर रोडे यांचे गुरांचे शेड पडल्याने या शेडखाली बांधलेली घोडी व गाईचा मनका मोडला.असुन मृत्यूच्या दारात आहेत.ईतर दोन जनावरे जखमी झाली असुन पाच लाख रुपयेचे आर्थिक नुकसान झाले आहे.या कुटुंबाला नुकसान भरपाई मिळावी अशी मागणी पंचायत समिती सदस्या अंकिता वाळुंज यांनी केली आहे.

आंबेगाव तालुक्याच्या पूर्व भागात काल जोरदार स्वरूपाचा पाऊस झाला.या परीसरात कमी दाबाचा पट्टा निर्माण झाल्याने वादळ तयार झाले. व परिसरातील भागात फिरल्याने या ठिकाणी मोठ्या प्रमाणावर नुकसान झाले.लाखनगाव येथील गव्हाळीमळा येथील शेतकरी जयसिंग ज्ञानेश्वर रोडे यांचे शेड पडले.त्याखाली बांधलेल्या घोडी व गाईचा मनका मोडला.त्यामुळे त्यांचे पाच लाख रुपयेचे आर्थिक नुकसान झाले आहे.

त्याचप्रमाणे स्वामी मारुती जांभळे यांचे घर पडल्याने त्यांचेही पाच लाख रुपयेचे नुकसान झाले आहे.लाखनगाव येथील ईतरही अनेक शेतकऱ्यांची घरे गोठे यांचे नुकसान झाले आहे. फळझाडे यांचे नुकसान झाले आहे. प्रशासनाच्या वतीने या ठिकाणी पंचनामे सुरू झाले असून ग्राम महसूल अधिकारी जितेंद्र शेजुळ हे नुकसान झालेल्या ठिकाणी जाऊन पंचनामे करत आहे. त्यामुळे शासनाने त्वरित या ठिकाणी पंचनामे झाल्यावर आर्थिक मदत केली पाहिजे अशी मागणी शेतकरी करत आहेत.

सदर ठिकाणी जिल्हा परिषद उपाध्यक्ष विवेक वळसे पाटील, राष्ट्रवादी शरदचंद्र पवार गटाचे देवदत्त निकम, शिवसेनेचे रमेश येवले, अरुण गिरे पंचायत समिती सदस्या अंकिता वाळूंज ,श्वेता ढोबळे पदाधिकाऱ्यांनी भेट देऊन पाहणी केली.

मंचर-

आंबेगाव तालुक्याच्या पूर्व भागातील लाखनगाव ,काठापुर बुद्रुक ,पोंदेवाडी, पारगाव या परिसरामध्ये काल सायंकाळी चार वाजण्याच्या सुमारात जोरदार स्वरूपाच्या पावसाने वादळी वाऱ्यासह हजेरी लावली. यावेळी जोरदार वाहणाऱ्या वाऱ्यामुळे. परिसरातील घरांचे, गोठ्यांचे, पोल्ट्री फार्म,पत्रा शेड, फळबागा शेतीपिके यांचे मोठ्या प्रमाणावर नुकसान झाले असून. या परिसराची पाहणी राष्ट्रवादी श.प. जिल्हा अध्यक्ष देवदत्त निकम यांनी केली.यावेळी प्रशासकीय अधीकारी यांच्याशी चर्चा करुन नुकसान भरपाईसाठी प्रयत्न करणार असल्याचे त्यांनी सांगितले.

आंबेगाव तालुक्याच्या पूर्व भागात काल सायंकाळी चार वाजता सोसाट्याचा वारा सुटला त्या सोबत पाऊसही मोठ्या प्रमाणावर पडला. या वाऱ्याचा सर्वाधिक फटका लाखनगाव काठापुर बुद्रुक पोंदेवाडी या ठिकाणच्या शेतकऱ्यांच्या घरे गोठे पत्र्याचे शेड, पोल्ट्री फार्म यांना बसला. अचानक आलेल्या या वादळाने शेतकऱ्यांचे लाखो रुपयाचे नुकसान झाले आहे. या ठिकाणी झालेल्या नुकसानीबाबत. जिल्हाधिकारी , तहसीलदार,आपत्कालीन विभाग यांच्याशी संपर्क साधला असून सदर नुकसानीची माहिती दिली आहे . सदर नुकसानीबाबत शासन दरबारी पाठपुरावा केला जाईल. शेतकऱ्यांना नुकसान भरपाई मिळवुन देण्यासाठी प्रयत्नशील राहू असे निकाल यांनी सांगितले.

यावेळी पंचायत समिती सदस्या श्वेता ढोबळे ,राष्ट्रवादीचे तालुक्याचे युवक चे अध्यक्ष विशाल वाबळे, संजय बढेकर.मार्तंड टाव्हरे तीनही गावचे पदाधिकारी ग्रामस्थ शेतकरी उपस्थित होते.