मंचर-

दत्तात्रयनगर, पारगाव तर्फे अवसरी बु, (ता. आंबेगाव) येथील भीमाशंकर सहकारी साखर कारखान्याने महाराष्ट्र राज्याचे माजी सहकारमंत्री व कारखान्याचे संस्थापक-संचालक आ.दिलीप वळसे पाटील यांच्या मार्गदर्शनाखाली झालेल्या.

मा. संचालक मंडळ सभेतील निर्णयानुसार गाळप हंगाम २०२५-२६ मध्ये गाळपास आलेल्या खोडवा उसास रु.१००/- प्रती मे. टनाप्रमाणे अनुदान देण्याचे ठरलेनुसार १ लाख ८ हजार ७०२ मे.टनास रक्कम रु. १ कोटी ८ लाख ४० हजार ऊस उत्पादक शेतक-यांचे बँक खात्यावर वर्ग केली असल्याची माहीती कारखान्याचे चेअरमन मा. बाळासाहेब बेंडे यांनी दिली.

कारखान्याने यापुर्वी गाळप केलेल्या ऊसास एफ.आर.पी.प्रमाणे रु. ३२७३/- प्रती मे.टनाप्रमाणे होणारी रक्कम ऊस उत्पादकांना अदा केलेली आहे. तसेच जाहीर केल्याप्रमाणे सन २०२५-२६ गाळप हंगामात गाळपास आलेल्या खोडवा ऊसाकरीता रु. १००/- प्रति मे.टन अनुदानाची रक्कम ऊस उत्पादकांच्या बँक खात्यावर वर्ग केली आहे. यामुळे सभासद व ऊस उत्पादकांना ऊस लागवड व मशागतीस मदत होणार असून ऊस उत्पादकांमध्ये समाधानाचे वातावरण आहे.
कारखान्याने एफ.आर.पी.ची रक्कम वेळेत तर दिलेलीच आहे त्याशिवाय भीमाशंकर कारखान्याने आजपर्यंत सभासद, बिगर सभासद व गेटकेन अशा प्रकारचा कोणताही भेदभाव न करता सर्वांना समान ऊस दर देण्याची परंपरा कायम ठेवली आहे. गाळप हंगाम २०२६-२७ करीता कार्यक्षेत्र व परिसरातील सर्व ऊस उत्पादक शेतक-यांनी भीमाशंकर कारखान्यास आपला ऊस देवून पुर्वीप्रमाणेच सहकार्याची भावना ठेवावी असे आवाहन कारखान्याचे व्हाईस चेअरमन मा. प्रदीप वळसे पाटील यांनी केले.

मंचर-

काठापूर बुद्रुक ता.आंबेगाव येथे श्रीमद् रामानंदाचार्य नरेंद्राचार्यजी यांच्या माध्यमातून वृक्षारोपण महाअभियान 2026 अंतर्गत प्रत्येक भक्त का एक वृक्ष या संकल्पनेनुसार शंभर वृक्षांचे रोपण करण्यात आले.

   रामानंदाचार्य दक्षिण पीठ नाणीज धाम रत्नागिरी यांच्या माध्यमातून महाराष्ट्रभर वृक्षारोपण महाअभियान राबवले जात असून, प्रत्येक भक्त का एक वृक्ष या योजनेअंतर्गत प्रत्येक भक्ताच्या माध्यमातून एका झाडाचं रोपण करण्यात येत आहे. काठापुर बुद्रुक या ठिकाणी या योजनेतून शंभर वृक्षांचे रोपन करण्यात आले.

  नानिजधाम मुख्य पिठाच्या माध्यमातून महाराष्ट्रभर ही योजना राबवली जात असून,पारगाव सेवा केंद्राच्या माध्यमातून वृक्षारोपण करण्यात आले.यावेळी सरपंच अशोक करंडे माजी उपसरपंच विशाल करंडे पोलिस पाटील अमोल करंडे,संदीप करंडे, सुषमा करंडे पुष्पा राऊत ,राधाबाई रोडे, विलास मैड सहभागी झाले होते.

मंचर-

लाखनगाव ता.आंबेगाव येथील न्यू इंग्लिश स्कूल शाळेस उद्योजक सागर दांगट यांनी पन्नास हजार रुपये किमतीचे चार्जेबल साऊंड सिस्टिम भेट देण्यात आले

यावेळी मुख्याध्यापक अनिल देसले, व्यवस्थापन समितीचे अध्यक्ष नवनाथ गाडगे, उपाध्यक्ष प्रदीप रोडे, विजय कानसकर उपस्थित होते.

यावेळी लाखनगाव येथील माध्यमिक विद्यालयास भविष्यकाळातही भरीव मदत करणार असल्याचे उद्योजक सागर दांगट यांनी सांगितले.

उद्योजक सागर दांगट यांजकडून साउंड सिस्टीम भेट.