गावागावातुन
निरगुडसर येथे किर्तनकार महाराजांचा सन्मान
निरगुडसरप्रतिनिधी- राजु देवडे
अध्यात्मिक व वारकरी आघाडी आणि स्वप्निल फाउंडेशन काठापुर बुद्रुक यांच्या संयुक्त विद्यमाने शिवजयंती निमित्त व जागतिक महिला दिनानिमित्त संपूर्ण महाराष्ट्रातील शिवचरित्रावर कीर्तन करणार्या कीर्तनकार व शिवचरित्रकार यांचा सन्मान करुन. गौरविण्यात आले.
निरगुडसर ता.आंबेगाव येथील बेटवस्ती येथे हा सन्मान सोहळा पार पडला.संपूर्ण महाराष्ट्रातल अनेक कीर्तनकार या कार्यक्रमाला उपस्थित होते. कार्यक्रमाचे आयोजन ह.भ.प.गोरक्षनाथ टाव्हरे व रामदास करंडे यांनी केले होते. या वेळी प्रमुख पाहुणे ज्ञानेश्वर महाराज जळगावकर मंदिर समिती सदस्य पंढरपूर त्याचप्रमाणे नामदेव महाराज वाळके, दत्तात्रय महाराज रुकारी, जालिंदर महाराज करंडे, बारीकराव महाराज गायकर, रवींद्र वळसे सरपंच निरगुडसर,अशोक करंडे सरपंच काठापुर,गोरक्षनाथ टाव्हरे,रामदास करंडे हे उपस्थित होते.
ह.भ.प.मोहनानंद महाराज पुरंदवडेकर यांच्या मार्गदर्शनाखाली कार्यक्रमाचे आयोजन करण्यात आले. सूत्रसंचालन अर्चना करंडे नीलिमा वळसे यांनी केले आभार विशाल करंडे यांनी मानले.
गावागावातुन
काठापुर बुद्रुक (ता.आंबेगाव) येथे पारगाव केंद्राच्या यशवंतराव चव्हाण कला, क्रीडा व सांस्कृतिक महोत्सवानिमित्त आयोजीत स्पर्धेत दहा जिल्हा परिषद प्राथमिक शाळांतील ३०० विद्यार्थ्यांनी सहभाग.
पारगाव शिंगवे-काठापुर बुद्रुक (ता.आंबेगाव) येथे पारगाव केंद्राच्या यशवंतराव चव्हाण कला, क्रीडा व सांस्कृतिक महोत्सवानिमित्त आयोजित केंद्रस्तरीय विविध क्रीडा स्पर्धा उत्साहात पार पडल्या. या स्पर्धांत दहा जिल्हा परिषद प्राथमिक शाळांतील ३०० विद्यार्थ्यांनी सहभाग घेतला होता, अशी माहिती केंद्रप्रमुख कांताराम भोंडवे यांनी दिली.
स्पर्धेची सुरुवात सरस्वती पूजनाने झाली. यावेळी भिमाशंकर साखर कारखान्याचे संचालक बाळासाहेब घुले,सरपंच अशोक करंडे,माजी उपसरपंच विशाल करंडे,पप्पु खुडे,रोहिदास तुळे,अशोक जोरी,विविध कार्यकारी विकास सोसायटीचे चेअरमन,कुंडलिक जोरी,शाळा व्यवस्थापन अध्यक्ष राहुल भुरके, उपाध्यक्ष काळुराम टींगरे,पंढरीनाथ करंडे,कैलास टिंगरे,सोपान करंडे,पंढरीनाथ जोरी,मुख्याध्यापक नंदकुमार चासकर,विविध शाळांतील शिक्षक ,संतोष लबडे, राजू जाधव,मच्छिंद्र काळे,दत्ता डोळस पालक, विद्यार्थी आदी मान्यवर उपस्थित होते.
स्पर्धेचे आयोजन लहान गटात इ. १ ली व २ री, इ. ३ री व ४ थी आणि मोठ्या गटात इ. ५ वी ते इ. ८ वी स्वरूपात करण्यात आले होते. वैयक्तिक क्रीडा प्रकारात धावणे, उंच उडी, लांब उडी, वक्तृत्व, लिंबू चमचा, बेडूक उड्या, वेशभूषा, गोळाफेक, थाळीफेक, तसेच सांघिक क्रीडा प्रकारात बडबडगीत, कविता गायन, भजन, प्रश्नमंजुषा, कबड्डी, खो-खो, लोकनृत्य, लेझीम, लंगडी आदी स्पर्धा
पार पडल्या.
या स्पर्धेत सर्व विद्यार्थ्यांनी आपल्या कला व क्रीडा कौशल्याचे प्रदर्शन केले. सर्व स्पर्धा उत्साहात व खेळीमेळीच्या वातावरणात पार पडल्या. स्पर्धा पाहण्यासाठी परिसरातील क्रीडाप्रेमी गावकरी मोठ्या संख्येने उपस्थित होते. विजयी स्पर्धकांना मान्यवरांच्या हस्ते, प्रमाणपत्र देऊन गौरव करण्यात आला. स्पर्धा यशस्वितेसाठी शिक्षक सुरेश भागवत , उत्तम वाव्हळ , दिनेश तुळे , सुरेश माने, विजय थोरात,रामरास उंडे ,निलिमा वळसे यांनी परिश्रम घेतले.मुख्याध्यापक नंदकुमार चासकर यांनी प्रास्ताविक केले.यावेळी सरपंच अशोक करंडे,विशाल ,राहुल भुरके यांनी शुभेच्छा दिल्या तर दिनेश तुळे यांनी आभार मानले.
गावागावातुन
डिंभे उजव्या कालव्याला पाणी आल्याने शेतकरी समाधानी
लोणी धामणी-डिंभे धरण (हुतात्मा बाबू गेनू जलाशय) यातून डिंभा उजव्या कालव्याला पाणी सोडल्याने आंबेगाव तालुक्याच्या पूर्व भागातील व शिरूर तालुक्याच्या पश्चिम भागातील 50 गावांना फायदा होणार असून .सुकू लागलेल्या शेती पिकांना जीवनदान मिळणार आहे.त्यामुळे येथील शेतकर्यांनी समाधान व्यक्त केले आहे.
आंबेगाव तालुक्यात असणारे डिंभे धरण हुतात्मा बाबू गेनू जलाशय व या जलाशयात साठणाऱ्या पाण्यावर पुणे जिल्ह्यातील आंबेगाव, जुन्नर, शिरूर तालुक्यातील शेती पिकांना पाणीपुरवठा केला जातो. त्याचप्रमाणे अहिल्यानगर जिल्ह्यातील पारनेर श्रीगोंदा कर्जत जामखेड या तालुक्यांना व सोलापूर जिल्ह्यातील करमाळा इथपर्यंत या धरणाच्या पाण्यावर शेतीला पाणीपुरवठा केला जातो.डिंभे धरणाच्या उजव्या कालव्यातून आंबेगाव तालुक्याच्या पूर्व भागातील डिंभे पासून तर खडकवाडी पर्यंत व शिरूर तालुक्यातील सविंदने पासून सोने सांगवी पर्यंतच्या गावांना पाणीपुरवठा होत असतो. त्याचप्रमाणे डाव्या कालव्यावर आंबेगाव तालुक्यातील व जुन्नर तालुक्यातील गावांना पाणीपुरवठा होतो.तर डाव्या कालव्यातून हे पाणी येडगाव धरणात जाऊन तेथून ते अहिल्यानगर व सोलापूर जिल्ह्यातील तालुक्यांना ही जात असते. सध्या डिंभे धरणाच्या उजव्या कालव्या खालील गावांमध्ये शेती पिकांना पाणी टंचाई निर्माण झाली होती.अनेक शेती पिके पाण्याअभावी सुकू लागली होती.तळी ओढे आटले होते. त्यामुळे या भागातील शेतकरी डिंभे धरणाच्या उजव्या कालव्याला पाणी सोडावे अशी मागणी करत होता.हि मागणी मान्य करून डिंभे धरणाच्या उजव्या कालव्याला सध्या पाणी सोडण्यात आले असून. या पाण्याचा फायदा उजवा कालव्याच्या खाली असणाऱ्या 50 गावांच्या शेती पिकांना होणार आहे. तसेच विहिरींची पाणी पातळीत वाढ झाल्याने याचा फायदा पुढील अनेक दिवस होणार आहे .त्यामुळे डिंभे धरनाच्या उजव्या कालव्याला पाणी सोडल्याने शेतकरी वर्ग समाधानी आहे.
गावागावातुन
पहाटेच्या काकडा भजनाची टाव्हरेवाडी येथे सांगता.
लोणी धामणी प्रतिनिधी-राजु देवडे
टाव्हरेवाडी ता .आंबेगाव येथील कमलादेवी मंदिरात काकडा भजन आरतीने टाव्हरेवाडी भक्तिमय वातावरणात दुमदुमली कार्तिक महिन्याच्या शुक्ल एकादशी पासून त्रिपुरा पौर्णिमा पर्यंत दररोज गेल्या अनेक वर्षापासून परंपरा जपण्याचं काम ग्रामस्थांनी केलं महिनाभर चालणाऱ्या या काकड आरती साठी अनेक ग्रामस्थ मंडळी महिला शाळेतील मुले, आवर्जून या काकड आरती साठी भजन भूपाळी गात असतात मनाला समाधान स्फूर्ती समाधान या काकडा भजनातून मिळत असते पहाटेच्या वेळी हरिनामा मध्ये भक्तिमय वातावरणात आनंद घेताना दिसतात आपल्याकडे अनेक वर्षांपासून सुरू असलेली पद्धत आहे देवपूजा करताना आरती ही अगदी हमखास गायली जाते आरती ही एक प्रकारे देवासाठी गायली जाणारी स्तुतीसुमणे आहेत जी आपण छान चाल लावून गातो गणेशोत्सव नवरात्र उत्सव या काळात आरती अगदी हमखास गायली जाते परंतु काकड आरतीचे एक वेगळेच महत्व आहे कारण पहाटेची गायली जाते म्हणून त्याला काकड आरती म्हणतात कोणत्याही देवस्थानाला भेट देताना लोक पहाटेची काकड आरती अजिबात चुकत नाही काकड आरती म्हणजे देवाला उठवण्यासाठी पहाटेच्या वेळी केलेली आरती ही आरती करण्यासाठी खास काकड्याने म्हणजे एका विशिष्ट ज्योतीने देवाला ओवाळण्यात येते म्हणून याला काकड आरती म्हणतात काकड आरती समारोप कार्यक्रम ,१५/११/२०२४ त्रिपुरा (कार्तिक )पौर्णिमा या दिवशी संपन्न होतआहे सकाळी पहाटे पासून विविध कार्यक्रमाचे आयोजन सकाळी दहा वाजता ह.भ.प. राम महाराज पैठणकर (भागवताचार्य )आळंदी यांची कीर्तन संपन्न होणार आहे साथसंगत गायक मच्छिंद्र महाराज राऊत, दत्ता महाराज आजबे, अशोक महाराज ढोबळे,वादक -गोविंद गोविंद महाराज पिंपळे, यश महाराज आळंदीकर, सात संगत वारकरी शिक्षण संस्था आळंदीत्यानंतर अन्नप्रसादाचा कार्यक्रम होईल यासाठी सर्व ग्रामस्थ हनुमान भजन मंडळ , कमलादेवी हरिपाठ मंडळ, सर्व भाविक भक्त. मोठ्या संख्येने उपस्थित राहून कार्यक्रमाचा आनंद घेत असतान कार्यक्रमासाठी आपण सर्वांनी उपस्थित राहावे असे आंबेगाव तालुका सरपंच परिषद अध्यक्ष उत्तमराव टाव्हरे यांनी केले
-
गावागावातुन3 months ago
भीमाशंकर मार्फत सभासद, ऊस उत्पादकांना गावोगावी साखर वाटप
-
गावागावातुन3 months ago
भीमाशंकरकडून रु. २५०/- प्रती मे. टनाप्रमाणे रक्कम बँकेत जमा
-
गावागावातुन5 months ago
पारगाव कारखाना पोलीसांची दमदार कामगीरी.चोरीला गेलेल्या कांदा पिशव्यांचा तपास. चार आरोपी ताब्यात.
-
गावागावातुन5 months ago
जारकरवाडी येथे कांद्याची चोरी
-
महाराष्ट्र12 months ago
भीमाशंकरला वसंतदादा शुगर इन्स्टिट्यूटचा “उत्कृष्ठ आर्थिक व्यवस्थापन पुरस्कार व तांत्रिक कार्यक्षमता पुरस्कार प्रदान
-
गावागावातुन6 months ago
भीमाशंकर कारखान्यास “देशातील सर्वोत्कृष्ट सहकारी साखर कारखान्याचा वसंतदादा पाटील पुरस्कार” जाहीर
-
मनोरंजन12 months ago
शिवरायांचे मावळे आम्ही
-
सामाजिक11 months ago
शिरदाळे घाटात पुन्हा भीषण अपघात ग्रामस्थांकडुन रस्त्याच्या शेजारी सिमेंट कठडे बांधण्याची मागणी.