निरगुडसर प्रतिनिधी-राजु देवडे

महाराष्ट्रात आणि देशभर साजरा होणार गणेशोत्सव परदेशातही धुमधडाक्यात साजरा होत आहे. यावर्षी हा उत्सव 9 दिवस चालला असुण यामध्ये दररोज हरिपाठ,आरती, लकी ड्रॉ, महाप्रसाद व इतर कार्यक्रमाचं नियोजन करण्यात आले होते. महाराष्ट्रामधील मराठमोळे युवक युरोपमधील स्लोवाकिया या देशात नित्रा शहर येथे गणेशोत्सव याहीवर्षी मागील वर्षाप्रमाणे मोठ्या उत्साहात साजरा केला. या निमित्ताने भारतीय संस्कृतीचे परंपरेचे जतन परदेशात होत असल्याचे पहावयास मिळत आहे. सर्व तरुण मंडळी
महाराष्ट्रमधून असून यामध्ये
गौरव पुरुषोत्तम कापसे(बुलढाणा), निखिल बोऱ्हाडे(पुणे), योगेश जाधव(पुणे),अभिजित भड (पुणे), गजानन रिठे (बीड), प्रथमेश हिंगे (पुणे) केतन सोनार(जळगाव), प्रशांत भाटे, प्रशांत कोरडे, प्रद्युम्न देशमुख, जयेश शेलार(चाकण), ऋषिकेश चव्हाण(सातारा), तन्मयी सुतार (पुणे), आदी उपस्थित व यांच्या पुढाकाराने उत्सव पार पडला.
गणेश मूर्तीचे सौजन्य पुणे (खेड)येथील प्रशांत कोरडे या युवकाने भारता मधून येतानाच श्रींची मूर्ती सोबत आणली होती.
हीच गणरायाची मूर्ती श्री गणेश चतुर्थीला मोठ्या उत्साहात स्थानापन्न करण्यात आली. या वर्षी हा गणेशोत्सव 9 दिवस सुरु होता. दररोज सकाळ संध्याकाळ आरती तसेच बाप्पासाठी नैवेद्य तसेच वेगवेगळे प्रसाद बनवून नैव्यद्य दाखविला गेला. तर या कार्यक्रमाची सांगता रविवार दिनांक 15सप्टेंबर2024 रोजी झाली….