निरगुडसर-श्री गडदादेवी माता यात्रा उत्सवानिमित्त पोंदेवाडी तालुका आंबेगाव या ठिकाणी आयोजित बैलगाड्यांच्या शर्यती मध्ये दोन दिवसात एकूण 350 बैलगाडा मालकांनी सहभाग घेतला. यावेळी दोन दिवसांमध्ये कचरू भिकाजी दौंड ,जाधव करंडे जुगलबंदी यांचा बैलगाडा घाटाचा महाराजा किताबाचा मानकरी ठरला.

पोंदेवाडी तालुका आंबेगाव या ठिकाणी ग्रामदैवत श्री गडदादेवी मातेच्या यात्रा उत्सवानिमित्त बैलगाड्यांच्या शर्यतीचे आयोजन करण्यात आले होते.यावेळी एकूण 350 बैलगाडा मालकांनी भाग घेतला.दोन दिवस चाललेल्या या बैलगाडा शर्यतींमध्ये खेड आंबेगाव जुन्नर शिरूर तालुक्यातील अनेक नामवंत बैलगाडा मालकांनी सहभाग घेतला होता.यावेळीप्रथम क्रमांक एकूण ६५ गाडे आले.फळीफोडचा मान शांताराम बाळू गाढवे,सुवर्णयोग बैलगाडा संघटना निरगुडसर यांनी मिळवला.द्वितीय क्रमांक एकूण ९९ गाडे आले.यात दुसऱ्यात प्रथम संजय नामदेव गोरे मेंगडेवाडी व अंकुश महादू बढेकर यांचे गाडे आले,तृतीय क्रमांकात एकूण ६४ गाडे पळाले तिसऱ्यात पहीला सरपंच ग्रुप बैलगाडा संघटना खडकवाडी, आर्यन भानुदास खांदवे लोहगाव यांचे गाडे आले.घाटाचा महाराजा कचरू भिकाजी दौंड करंडे जाधव जुगलबंदी यांनी मिळवला.फायनलमधे प्रथम क्रमांक शिवाजी बबन ढोबळे,अरविंद रामसिंग वळसे,
द्वितीय क्रमांक पांडुरंग शंकर सोनवणे,दुर्विका विकास पाचारणे,तृतीय क्रमांक
प्रकाश मेचे, शिवराम धर्माजी वाव्हळ यांचे गाडे आले.

यात्रा उत्सवाची व्यवस्था अनिल वाळुंज,संंदिप पोखरकर,जयसिंग पोंदे,महेंद्र पोखरकर,अमोल वाळुंज,सुशांत रोडे,सोमनाथ वाळुंज,अशोक वाळुंज,वसंत पोंदे,शिवराम पोखरकर,नानाभाऊ पोखरकर,नितीन पोंदे,प्रमोद पोंदे,संदेश डुकरे,महेश गायकवाड,राहुल जोजारी,संतोष पोखरकर यांनी पाहिली.

मंचर:-मंचर (ता.आंबेगाव) तेथील नालंदा विद्यालयाचे स्नेहसंमेलन मोठ्या उत्साहाने पार पडले. यावर्षी नालंदा विद्यालयाला वीस वर्ष पूर्ण झाल्याने , स्नेहसंमेलनाचा नवरस हा विषय निवडण्यात आला होता. भरतमुनींच्या नाट्यशास्त्रावर आधारित नवरस या विषयावर विद्यार्थ्यांनी विवीध नृत्य सादर करत रसिक प्रेक्षकांचे मनोरंजन केले.

यावेळी माजी सहकारमंत्री दिलीपराव वळसे पाटील, पूर्वा वळसे पाटील, पराग कारखान्याचे चेअरमन यशवर्धन डहाके, शरद बँकेचे संचालक अजय घुले, भीमाशंकर कारखान्याचे चेअरमन बाळासाहेब बेंडे, सुहास बाणखेले, दत्ता थोरात, अरुणाताई थोरात, मनीषा बेंडे, नालंदा इंग्लिश स्कूलच्या प्रिन्सिपल डॉ. करुणा मनुजा, व्हॉईस प्रिन्सिपल सोजी जेकब, सरपंच माधुरी शेटे, एन सी आर टी चे सीईओ अमरजीत खराडे, प्रसिद्ध युट्युबर मंदार पडवळ हे उपस्थित होते.

यावेळी संस्कार फाउंडेशनच्या वतीने विद्यालयातील चार यशस्वी आणि गुणवंत ,क्रीडा आणि शैक्षणिक क्षेत्रात उत्तम कामगिरी बजावलेल्या विद्यार्थ्यांचा सन्मानही करण्यात आला या विद्यार्थ्यांचा सन्मान दिलीप वळसे पाटील आणि पूर्वा वळसे पाटील, अजय घुले, यांच्या हस्ते करण्यात आला माननीय दिलीप वळसे पाटील यांनी विद्यार्थ्यांचे कौतुक केले .तसेच शाळेच्या मुख्याध्यापिका डॉक्टर करुणा मनुजा यांचे देखील कौतुक केले. या संपूर्ण कार्यक्रमाचे संयोजन आणि व्यवस्थापन विद्यालयाचे समन्वयक सय्यद मुमताज अली यांनी केले. सूत्रसंचालन निवेदक महेश देशपांडे तसेच विद्या बांगर आणि रफत काझी यांनी केले.

निरगुडसर:-मांदळेवाडी (ता. आंबेगाव) येथील बैलगाडा शर्यतीच्या घाटाच्या बांधकामाचे भूमिपूजन आंबेगाव तालुका खरेदी विक्री संघाचे माजी अध्यक्ष अनिल वाळुंज यांच्या हस्ते करण्यात आले.

आमदार दिलीप वळसे पाटील यांच्या फंडातून येथील बैलगाडा शर्यतीच्या घाटाच्या बांधकामासाठी दहा लाख रुपयाचा निधी मंजूर झाला आहे. याप्रसंगी सरपंच उज्ज्वला आदक, उपसरपंच लता आदक, राष्ट्रवादी काँग्रेसचे अध्यक्ष सुनील ऊर्फ बाबू आदक, बाळशिराम वाळुंज, रवी ढगे, योगेश करंडे, वैशाली पालेकर, यात्रा कमिटी अध्यक्ष विजय आदक, उपाध्यक्ष सचिन आदक, काळूराम पालेकर उपस्थित होते.

घाटासाठी जागा उपलब्ध करून दिलेल्या विजय आदक, सुरेश आदक, संतोष आदक, महादू आदक, दशरथ आदक, खंडू फकिरा आदक, फकिरा आदक या शेतकऱ्यांचा यावेळी सत्कार करण्यात आला.
आंबेगाव तालुक्यात गावोगावी ग्रामदैवतांच्या यात्रेला बैलगाडा शर्यती आयोजित केल्या जातात त्यासाठी चांगल्या बैलगाडा घाटाची आवश्यकता असते.त्यामुळे बैलगाडा घाट चांगला असावा अशी प्रत्येक गावची इच्छा असते.त्यामुळे बैलगाडा घाट बांधून घेण्याकडे गावांचा कल असतो त्यामुळे मांदळवाडी येथे बैलगाडा घाटाचे काम करण्यात येत आहे.