उन्हाळ्यात पाण्याच्या शोधात वन्यप्राणी मनुष्य वस्तीकडे,पाण्याच्या शोधात आलेल्या मोरांला ग्रामस्थ करतात अन्य पाण्याची सोय.

निरगुडसर प्रतिनिधी

पोंदेवाडी ( ता. आंबेगाव ) येथे मोठ्या प्रमाणावर मोरांचे वास्तव्य आहे. सध्या उन्हाची तिव्रता वाढली असून पाण्याची कमतरता जानवत आहे.असाच पाण्याच्या शोधात आलेल्या एका मोराला माधुरी प्रकाश ( पप्पू ) दौंड या महिलेने पाणी पाजून आपले वन्यजीवांप्रती कर्तव्य पार पाडले.

पोंदेवाडी गावच्या हद्दीत मोठ्या प्रमाणावर मोरांचे वास्तव आहे.यातील एक मोर पाण्याच्या शोधात होता.पाण्यावाचुन कासावीस झाला मोर माधुरी प्रकाश दौंड या महिलेच्या जवळ आला.या मोराला पाण्याची गरज आहे हे लक्षात येताच.दौंड यांनी या मोराला पाणी पाजले. पाणी पिल्यानंतर पुन्हा हा मोर निसर्गाच्या सान्निध्यात निघुन गेला.

आंबेगाव तालुक्याच्या पूर्व भागात जारकरवाडी, धामणी खिंड, पोंदेवाडी काठापुर आदी गावांमध्ये मोरांचे वास्तव्य मोठ्या प्रमाणात आढळून येत आहे.
या परिसरातून डिंभे धरणाचा
उजवा कालवा गेल्याने परिसरात चारा, पाणी उपलब्ध होत असते. या परिसरात मोर मोठ्या प्रमाणात आढळुन येत आहे. या भागातील काही शेतकरी मोरांना खाण्यासाठी धान्य उपलब्ध करून देत आहेत.त्यामुळे सकाळी अथवा संध्याकाळी पारगाव लोणी रस्त्यावर किंवा लोणी पोंदेवाडी रस्त्यावर मोरांच्या थव्यांचे दृश्य पहावयास मिळत आहे.
परंतु सध्या उन्हाची तिव्रता वाढली असुन अन्न व पाण्याची कमतरता जानवते त्यामुळे सध्या मोर मनुष्य वस्तीकडे येत आहेत. त्यामुळे या मोरांना अन्न व पाण्याची याची सोय करणे गरजेचे बनले आहे.