काठापुर बुद्रुक ते पोंदेवाडी रस्त्याला मुख्यमंत्री ग्राम सडक योजनेअंतर्गत निधी मंजूर.

निरगुडसर-

काठापुर बुद्रुक ते पोंदेवाडी ता.आंबेगाव या दोन गावांदरम्यान असनार्या रस्त्याला मुख्यमंत्री ग्राम सडक योजनेअंतर्गत साडेपाच कोट रुपये निधी मंजूर झाल्याने काठापुर बुद्रुक व पोंदेवाडी या दोन्ही गावांमधील ग्रामस्थांनी समाधान व्यक्त केले आहे.

आंबेगाव तालुक्याच्या पूर्व भागातील काठापुर बुद्रुक ते पोंदेवाडी या दरम्यान मुख्यमंत्री ग्राम सडक योजनेअंतर्गत साडेपाच कोटी रुपये निधी मंजूर झाला आहे. काठापुर बुद्रुक गावठाणा पासून सुरू होऊन पोंदेवाडी स्मशानभूमी पर्यंत पाच ते साडेपाच किलोमीटर अंतरापर्यंत हा रस्ता होणार आहे.सध्या काठापुर पोंदेवाडी परिसरातून अष्टविनायक महामार्ग तसेच पोंदेवाडी या ठिकाणावरून बेल्हा जेजुरी महामार्ग गेल्याने या परिसरातील वाहनांची वाहतूक वाढली आहे.काठापुर पोंदेवाडी दरम्यान असणारा रस्ता हा खराब झाला होता. तसेच रस्त्याचे रुंदीकरणही कमी होती त्यामुळे वाहतुकीस अनेक वेळा अडथळा यायचा.हा रस्त्या मंजूर झाल्याने अनेक प्रश्न सुटणार असल्याचे खरेदी विक्री संघाचे माजी अध्यक्ष अनिल वाळुंज यांनी सांगितले.

काठापुर गावठाण ते जोडीवस्ती दरम्यान असणारा रस्ता खोलगट भागातून असल्याने या ठिकाणी कायमच पाणी या रस्त्यावर यायचे.त्यामुळे प्रवाशांचे मोठ्या प्रमाणावर हाल व्हायचे.त्यामुळे सध्या मंजूर झालेला सिमेंट काँक्रेटच्या रोडमुळे या ठिकाणी येणाऱ्या पाण्याचा प्रश्न मिटणार आहे. असे सरपंच अशोक करंडे यांनी सांगितले.
तसेच या दोन गावात दरम्यान हा रस्ता झाल्याने या ठिकाणच्या शेती पिकांचे वाहतुकीसाठी या रस्त्याचा फायदा होणार आहे.त्यामुळे एकंदरीतच काठापूर बुद्रुक ते पोंदेवाडी रस्ता मंजूर झाल्याने येथील शेतकऱ्यांनी ग्रामस्थांकडून राज्याचे माजी सहकार मंत्री आमदार दिलीप वळसे पाटील यांचे आभार मानले आहे.