भीमाशंकरकडून रु. २५०/- प्रती मे. टनाप्रमाणे रक्कम बँकेत जमा

लोणी धामणी प्रतिनिधी-राजु देवडे

दत्तात्रयनगर, पारगाव तर्फे अवसरी बु, (ता. आंबेगाव) येथील भीमाशंकर सहकारी साखर कारखान्याने संस्थापक-संचालक व महाराष्ट्र राज्याचे सहकार मंत्री मा.ना.श्री. दिलीपराव वळसे पाटील यांचे मार्गदर्शनाखाली मा. संचालक मंडळाने घेतलेल्या निर्णयानुसार मागील सन २०२३-२४ गाळप हंगामामध्ये गाळप केलेल्या ऊसास अंतिम ऊस दर रु. ३२००/- प्रती मे. टन जाहीर केल्याप्रमाणे उर्वरित रक्कम रु. २५०/- प्रती मे. टनाप्रमाणे रक्कम रु. २७ कोटी ७३ लाख सोमवार दि.०७ ऑक्टोबर रोजी ऊस उत्पादक शेतक-यांच्या बँक खात्यावर वर्ग केली असल्याची माहीती कारखान्याचे चेअरमन श्री. बाळासाहेब बेंडे यांनी दिली.

गाळप हंगाम २०२३-२४ मध्ये कार्यक्षेत्र व परिसरातील गाळप केलेल्या एकूण ११,०९,४६८ मे. टन ऊसासाठी एफ.आर.पी. रु. २७९०/- प्रती मे.टन असतानाही कारखान्याने रक्कम रु. २९५०/- प्रती मे. टनाप्रमाणे रक्कम ऊस उत्पादक शेतक-यांना अदा केलेली आहे. अंतिम दर रु. ३,२००/- प्रती मे.टन जाहीर केल्याप्रमाणे उर्वरित रक्कम रु. २५०/- प्रती मे. टनाप्रमाणे होणारी रक्कम रु. २७ कोटी ७३ लाख ऊस उत्पादक शेतक-यांच्या बँक खात्यावर वर्ग केली आहे.

दिवाळीपूर्वी शेतक-यांच्या बँक खात्यावर अंतिम हप्त्याची रक्कम वर्ग करून व दिपावलीसाठी साखर वाटप सुरु करून जाहीर केल्याप्रमाणे दिलेला शब्द पूर्ण केलेला आहे.
कारखान्याने एफ.आर.पी.पेक्षा जास्तीची रक्कम वेळेत दिलेली आहे. याशिवाय वाढीव रक्कम रु. २५०/- प्रती मे. टन अंतिम हप्त्याचे स्वरुपात ऊस उत्पादक शेतक-यांना दिलेली आहे.

गाळप हंगाम २०२४-२५ करीता उपलब्ध ऊस गाळपाची तयारी झालेली असून कार्यक्षेत्र व परिसरातील सर्व ऊस उत्पादक शेतक-यांनी भीमाशंकर कारखान्यास आपला ऊस देवून पुर्वीप्रमाणेच सहकार्य करावे असे आवाहन कारखान्याचे व्हाईस चेअरमन श्री. प्रदीप वळसे पाटील यांनी केले.