घोडनदीवर लाखनगाव येथे पुलावर ट्रक आदळल्याने वाहतुकीस अडथळा.

निरगुडसर प्रतिनिधी- राजु देवडे

लाखनगाव (ता.आंबेगाव येथील) घोड नदी वरील पुलावर बेल्हा जेजुरी महामार्गावर बेल्ह्याच्या बाजूने येऊन जेजुरीच्या बाजूकडे जाणारा मोठा ट्रक पुलाच्या कठड्याला धडकल्याने अपघात झाल्याने वाहतूक ठप्प झाली आहे.त्यामुळे वाहनचालकांना पर्यायी मार्गाचा वापर करावा लागत आहे.

लाखनगाव येथील पुल लहान असल्याने दुसरं वाहन या ठिकाणा वरून जात नसल्याने अनेक वाहन चालकांना पर्यायी मार्गाचा अवलंब करावा लागला.

आंबेगाव तालुक्याच्या पूर्वेकडील लाखनगाव आणि शिरूर तालुक्यातील पश्चिमेकडून चांडोह या दोन गावांच्या मध्ये घोड नदीवर जुना पूल आहे.हा पुल रुंदीने व उंचीने लहान आहे. पूर्वी या ठिकाणाहून अत्यंत कमी वाहतूक होत होते .त्यामुळे या फुलावरून वाहनांची एजा सुरू असायची. जास्त अतिवृष्टी झाल्यानंतर वाहतूक बंद असायची. परंतु सध्या या ठिकाणाहून बेल्हा जेजुरी महामार्ग तयार झाला आहे. त्यामुळे या महामार्गावर मोठ्या प्रमाणात वाहतूक वाढली आहे. पर्यटनाच्या दृष्टीने तसेच औद्योगिक क्षेत्राशी निगडित वाहतूक या ठिकाणावर मोठ्या प्रमाणात वाढली आहे. त्यामुळे या ठिकाणी मोठ्या प्रमाणात वर्दळ असते या ठिकाणी सध्या नवीन उंच व रुंद पुलाचे काम सुरू आहे .परंतु हा पुल अद्याप पूर्ण झालेले नाही. त्यामुळे वाहन चालकांना जुन्या लहान पुलाचा वापर करावा लागत आहे.

आज सकाळच्या वेळी चांडोह गावाच्या बाजूने येत असलेला मोठा ट्रक हा पुलाच्या जवळ आला असता पाठीमागून येणाऱ्या गाडीने त्याला ओहोरटेक करण्याचा प्रयत्न केला.त्यामुळे माघील गाडीला जागा करून देत असताना. ट्रक फुलाच्या कढड्यावर आदळुन अपघात झाला. त्यामुळे ट्रक त्याच ठिकाणी बंद झाला. त्यामुळे रुंद असलेले या पुलावरून सुरू असलेली वाहतूक ठप्प झाली आहे. सध्या आषाढी एकादशी तसेच सुट्टी असल्यामुळे मोठ्या प्रमाणात वाहतूक या रस्त्याने होत आहे. वाहतूक बंद झाल्याने वाहन चालकांची व स्थानिक ग्रामस्थांची मोठ्या प्रमाणात त्रास होत आहे.त्यामुळे या ठिकाणी सुरू असलेल्या नवीन पुलाचे काम लवकरात लवकर पूर्ण व्हावे.व हा पूल वाहतुकीसाठी खुला व्हावा जेणेकरून जुन्या पुलावरून होणारी वाहतूक थांबेल व वाहतूक करणाऱ्या वाहन चालकांना व ग्रामस्थांना त्याचा त्रास होणार नाही. त्यामुळे नवीन पुलांचे काम लवकर पुर्ण व्हावे अशी मागणी स्थानिक ग्रामस्थांनी केली आहे.