गावागावातुन
जारकरवाडी ग्रामपंचायतीकडुन जागतिक महिला दिन साजरा.
निरगुडसर प्रतिनिधी (राजु देवडे)
जारकरवाडी ( ता.आंबेगाव ) येथील ग्रामपंचायत कार्यालयाकडून गाव अंतर्गत येणाऱ्या पाच अंगणवाड्यांमध्ये जागतिक महिला दिन मोठ्या उत्साहात साजरा करण्यात आला.
तसेच क्रांतीज्योती सावित्रीबाई फुले यांच्या प्रतिमेचे पूजन करण्यात आले. जागतिक महिला दिनाचे औचित्य साधून गावातील महिलांना लेक लाडकी या योजनेची माहिती देण्यात आली. व लेक लाडकी योजनेतील पात्र ठरलेल्या महिला लाभार्थ्यांना प्रशस्ती पत्रक शाल श्रीफळ देऊन सत्कार करण्यात आला.लवकरच निवडणूक प्रक्रिया पार पडत आहे. मतदार यादीत नाव असणार्या सर्व महिलांनी मतदानाचा हक्क बजवावा असं आवाहनही यावेळी करण्यात आले. या कार्यक्रम प्रसंगी सरपंच प्रतिक्षा बढेकर, उपसरपंच सचिन टाव्हरे, ग्रा.पं सदस्य सुभाष लबडे, अंगणवाडी सेविका मंगल किरवे, संगिता पाबळे, अर्चना बढेकर, रूपाली भोजने, निर्मला पाचपुते, लता लबडे, सरस्वती बढेकर व महिला उपस्थित होत्या.